<p>... Rusiya Mərkəzi Seçki Komissiyasının məlumatına görə, protokolların 12,33 faizi işləndikdən sonra Çeçenistan rəhbəri Ramzan Kadırov (“Vahid Rusiya”) 99,61 faiz səs toplamaqla bölgə başçısı seçkilərinə liderlik edir.</p> <p>Siyahıda ikinci, üçüncü yerlərdə Rusiya Kommunist Partiyasından Xalid Nakayev (0.16 faiz) və İsa Hacımuradovdur ("Ədalətli Rusiya - həqiqət naminə") - 0.2 faiz səs...</p> <p>Xatırladaq ki, Ramzan Kadırov 5 aprel 2011 -ci ildən Çeçenistanın əsas lideri olaraq qalmaqdadır.</p> <p><strong>Ağasəf</strong></p>
<p>Məşhur müğənni Ziynet Sali ötən axşam Ayazağada "Turkcell Vadi Open Air"də konsert verib. SİA xarici mətbuata istinadən xəbər verir ki, fırtına, dolu və yağışa baxmayaraq səhnəsini ləğv etməyən Sali, açıqlama verib.</p> <p>O, “Biletlər konsertdən əvvəl satılıb. Bu vəziyyətdə gecikdirə bilmərik. Dolu və şimşək çaxmasına baxmayaraq musiqinin dayanmasına imkan verməyin”.</p> <p>Gitarist həyat yoldaşı Erkan Erzurumlu ilə ikinci evlilik ildönümünü qeyd edən Sali, “Bu axşam yenidən səhnədə bir yerdəyik. Musiqi və sevgi ilə davam edirik" deyib.</p> <p><strong>Ayşən Vəli</strong></p>
<p>“Təəssüf hissi ilə qeyd etmək lazımdır ki, bu gün də ermənilərin təxribat əməlləri davam edir. Əslində gözlənilən o idi ki, ermənilər 44 günlük müharibədə Azərbaycanın qələbəsindən və özlərinin acı məğlubiyyətindən sonra bu kimi əməllərə son qoyaraq təxribat törətməyəcəklər. Normal məntiq də bunu tələb edir”. Bu sözləri SİA-ya açıqlamasında deputat Ceyhun Məmmədov deyib.</p> <p><img data-image-id="33600695" class="img-fluid" max-width" src="https://cdn.azerforum.com/2021/09/20/3492963.jpg"/>Onun sözlərinə görə, bütün bu itkilərin fonunda Ermənistan nəticə çıxararaq təxribatlara son qoymalı və bölgədə sülhün, əmin-amanlığın təmin olunmasına öz töhfəsini verməlidir: “Onlar bundan heç bir nəticə çıxarmayaraq təxribatlara davam edir. Bu da bölgədə sülhün təmin olunmasına öz təsirini göstərir. Qeyd etmək lazımdır ki, bir sıra məsələlərdə, Azərbaycana qarşı təxribatlarda Ermənistan müstəqil deyil. Burada xarici amillər var. Amma Ermənistan anlamalıdır ki, o 30 ildə Azərbaycanla apardığı müharibədə heç nə əldə edə bilmədi”.</p> <p>Deputat sözlərinə belə davam edib: “Ermənistanın bir yolu var. O da Azərbaycanla sülh müqaviləsini imzalamaq və müharibəyə son qoymaq. Yəni, Ermənistan anlamalıdır ki, onun bundan başqa yolu yoxdur. Onlar nə vaxta kimi müharibə edəcəksə, o vaxta kimi də iqtisadiyyatı çökəcək. Buna görə də bu təxribatlara son qoymalıdır. Əgər bunu etməsə onların özü üçün çox ağır olacaq. Yəni, Azərbaycan artıq bu təxribatlara səbr nümayiş etdirməyəcək. Hər birinin qarşısı qətiyyətlə alınacaq. Əgər, Ermənistan sülh müqaviləsi imzalamasa onun süqutu baş verəcək”.</p> <p><strong>Ayşən Vəli</strong></p>
<p>Çinin cənub-şərqində yerləşən Quizhou əyalətində sərnişin gəmisinin batması nəticəsində ölənlərin sayı 10-a çatıb.</p> <p>SİA xəbər verir ki, bu barədə Çinin Mərkəzi Televiziyası məlumat yayıb.</p> <p>Məlumata görə, indiyə qədər 40 nəfər xilas edilib, daha 5 sərnişin isə hələ də itkin düşmüş sayılır. Axtarış-xilasetmə əməliyyatına 50-yə yaxın xilasetmə gəmisi və helikopter cəlb edilib.</p> <p>Qeyd edək ki, ötən gün axşam saatlarında Zanqke çayında sərnişin gəmisi aşıb. İlkin məlumatlara görə, qəzaya səbəb gəminin həddindən artıq yüklənməsi olub.</p>
<p>Bu gün Filippində Manni Pacquiao kimi tanınan sabiq boksçu ölkədə küçiriləcək 2022 -ci il seçkilərində prezidentliyə namizəd olacaq. Bu barədə “CNN Philippines” telekanalının Twitter səhifəsi məlumat yayılıb.</p> <p>Xatırladaq ki, bütöv adı Emmanuel Dapidran Pacquiao olan boksçunun namizədliyini onun rəhbərlik etdiyi “Filippin Demokratik Partiyası - Xalq Gücü” fraksiyası rəsmən irəli sürüb.</p> <p>Onu da xatırladaq ki, bir müddət əvvəl “Filippin Demokratik Partiyası - Xalqın Gücü” fraksiya üzvü senator Kristofer Bonq Qonu ölkə prezidentliyinə namizəd kimi irəli sürməyi təklif etmişdi, amma onun imtinasından sonra, indi meydan sabiq boksçu Manni Pacquiaoya qalıb.</p> <p><strong>Ağasəf</strong></p>
<p>Rusiyalı qidalanma üzrə mütəxəssis Yevgeni Arzamastsev, “Moskva 24” telekanalının müxbirinə verdiyi açıqlamasında sağlam içkinin belə sağlamlığa zərər verə biləcəyini bildirib. Arzamastsevə görə, şəkər əlavə edilən qeyri -təbii şirələri minimuma endirmək və ya onlardan tamamilə imtina etmək lazımdır. Belə bir içki faydalı olmaq əvəzinə sağlamlığa zərər verə bilər. Əslində,daxili karbohidrat mübadiləsi pozulmuş insanlar belə içkiləri yaxın buraxmamalıdırlar. Belə ki, həddindən artıq şəkəri olan şirələr bu problemi daha da şiddətləndirir və diabetə səbəb ola bilər.</p> <p>Qidalanma mütəxəssisi daha çox təbii şirələrdən istifadə etməyi məsləhət görür.</p> <p><strong>Nazlı</strong></p>
<p>Dərinizin daha təravətli və gözəl görünməsini istəyirsinizsə, ona davamlı olaraq baxım göstərməlisiniz. SİA xəbər verir ki, cökə maskası dərinin yaşlanmasını gecikdirir və ona rahatlıq bəxş edir.</p> <p>Maskanın tərkibi:<br/> - Cökə yarpağı<br/> - 1 fincan isti süd</p> <p>Hazırlanması:<br/> Maska tətbiq olunmazdan əvvəl dərinin təmizlənməsi vacibdir. Südü istilədib içərisinə çökə yarpağı atın və 15 dəqiqə dəmlənməyə qoyun. Daha sonra süzüb üzünüzə onunla masaj edin. 15-20 dəqiqə gözlədikdən sonra üzünüzü ilıq su ilə yuyun. Bu maskanı həftədə 2-3 dəfə tətbiq edə bilərsiniz. Dərinizin möhkəmləndiyini və gözəlləşdiyini hiss edəcəksiniz.</p>
<p>İrəvan polisi 21 sentyabrda Ermənistanın müstəqilliyinin 30-cu ildönümünə həsr olunmuş bayram tədbirləri keçirmək planlarına qarşı etiraz edənləri saxlayıb. SİA xəbər verir ki, bu barədə RİA Novostinin yerli müxbiri məlumat yayıb.</p> <p>Qeyd olunur ki, bir qədər əvvəl Ermənistanın baş naziri Nikol Paşinyan "ölkədə bayram əhval-ruhiyyəsi olmasa da, müstəqilliyin ildönümü düzgün qeyd olunmalıdır" deyib. O, bildirib ki, sentyabrın 21-də Respublika Meydanında ilk növbədə Ermənistanın müstəqilliyi, təhlükəsizliyi, suverenliyi və Qarabağda ölənlərin şərəfinə geniş miqyaslı, rəngarəng bayram tədbiri keçiriləcək. Buna cavab olaraq Qarabağda münaqişənin gərginləşməsi zamanı ölən hərbçilərin yaxınlarından bir çoxu bayram tədbirinin ləğv edilməsini tələb ediblər. Cümə və şənbə günləri etiraz aksiyaları elan edilib.</p> <p>Etirazçılar "Moskva" kinoteatrının binası qarşısına toplaşaraq Respublika Meydanına üz tutmaq istəyiblər, lakin polis onların yolunu kəsərək etirazçıların bir hissəsini saxlayıb. Cümə günü, qarşıdurmanın böyüməsi əsnasında ölən hərbçilərin yaxınları bayramın əleyhinə danışıblar.</p> <p>Xatırkadaq ki, bir qədər əvvəl polis 20 və 21 sentyabr tarixlərində Respublika Meydanına gedən bütün küçələrin bağlanacağını bildirmişdi.</p>
<p>Türkiyə Müdafiə Nazirliyi açıqlama yayıb. SİA xarici mətbuata istinadən xəbər verir ki, Egey dənizi və Şərqi Aralıq dənizində həyata keçiriləcək "Qərar-2021" təlimi başladığı deyilib.</p> <p>Təlim çərçivəsində, qarşılıqlı işləyə bilən metodların və qarşılıqlı dəstək imkan və qabiliyyətlərinin sınanması planlaşdırılır. Quru, Dəniz və Hərbi Hava Qüvvələri və Sahil Mühafizəsi Komandanlığı təlimdə iştirak edəcək.</p>
<p>89 saylı Göyçay-Ağdaş seçki dairəsi üzrə Milli Məclisin deputatı Məzahir Əfəndiyev tərəfindən Göyçay rayonunun İkinci Qarabağ-Vətən Müharibəsi şəhidi Mövsümov Fərid Zakir oğlunun doğum günü dərin hüznlə anılıb, şəhidimizin adına küçə istifadəyə verilib.</p> <p>SİA-nın məlumatına görə, şəhid ailəsinə başsağlığı bildirilərək şəhidimizin ruhu dərin hüznlə yad edilib. İkinci Qarabağ-Vətən müharibəsində Azərbaycan gəncliyinin vətənpərvərliyinin, əzminin bütün dünyaya nümayiş etdirildiyi, Ali Baş Komandan, Böyük Sərkərdə İlham Əliyevin rəhbərliyi altında müzəffər Azərbaycan Ordusunun xalqımıza yaşatdığı Möhtəşəm Qələbə nəticəsində bütün şəhidlərimizin, qəhrəmanlarımızın qanının yerdə qalmadığı vurğulanıb.</p> <p>Yaşasaydı Fəridin 34 yaşı tamam olacaqdı. Şəhid Mövsümov Fərid Zakir oğlu 19 Sentyabr 1987-ci il tarixində Göyçay şəhərində ziyalı ailəsində anadan olub.</p> <p>Fərid uşaq vaxtı çox vətənpərvər, həyat eşqi ilə dolu, şən və savadlı uşaq olmuşdur. Vətəninə, torpağına, bayrağına olan sevgi Fəriddə dolub daşırdı. Onun ən böyük arzusu düşmənlərimizin cavabını layiqincə vermək və Polad Həşimov kimi qəhrəman oğullarımızın intiqamını almaq idi.</p> <p>2005-2007- ci illərdə həqiq hərbi xidmətdə olmuş, 2020-ci ilin sentyabr ayının sonlarında isə işini, təhsilini yarımçıq qoyaraq İkinci Qarabağ – Vətən Müharibəsində iştirak etmək üçün öz ərizəsi ilə könüllü olaraq hərbi hissəyə adını yazdırmış, oktyabrın 5-də döyüşlərə yollanmışdır.</p> <p>İlk öncə Tərtər istiqamətində gərgin döyüşlərdə iştirak etmiş, daha sonra Füzulinin Qaraxanbəyli kəndində gedən döyüşlərdə mərd, qorxmaz bir əsgər kimi qəhrəmancasına şəhid olub.</p> <p>Oktyabrın 30-da Göyçay rayon Şəhidlər Xiyabanında dəfn olunub.</p> <p>Ali Baş Komandan, Prezident İlham Əliyevin Sərəncamına əsasən Fərid ölümündən sonra “Füzulinin azad olunmasına görə” və “Vətən uğrunda” medalları ilə təltif edilmişdir.</p> <p>Bir daha şəhidlərimizə Allahdan rəhmət, yaxınlarına səbr diləyirik.</p> <div class="container" no-gutters"> <div class="row"> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/09/18/3470643.jpg"> <img class="img-fluid" alt="" src="https://cdn.azerforum.com/2021/09/18/3470643.jpg"/> </a> </div> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/09/18/3470644.jpg"> <img class="img-fluid" alt="" src="https://cdn.azerforum.com/2021/09/18/3470644.jpg"/> </a> </div> </div> </div>
<p>Çin Almaniya və AB-ni xəbərdar edib ki, Almaniya Çin şirkətlərinə qarşı ayrı-seçkiliyə son qoymasa cavab gecikməyəcək. SİA xarici mətbuata istinadən xəbər verir ki, Çinin Almaniyadakı Səfirliyinin ticarət məsləhətçisi Vanq Veidonq, Almaniya və AB rəsmilərinin ABŞ şirkətlərinin təzyiqi ilə Çin şirkətlərinə qarşı təzyiq və ayrı-seçkilik etdiklərini ifadə edib. Ölkəsinin Çinə qarşı heç bir hərəkətə qarşı susmayacağını öz sözlərinə əlavə edib.</p>
<p>Fransa Avstraliyanın onunla imzalanmış sualtı layihəni ləğv edib, ABŞ-la razılaşmasından sonra Vaşinqton və Kanberradakı səfirlərini geri çağırıb. SİA xarici mətbuata istinadən xəbər verir ki, Xarici İşlər Nazirliyi Jean-Yves Le Drianın mətbuat üçün etdiyi şərhində, Fransa prezident Emmanuel Makronun əmri ilə, Vaşinqton və Kanberradakı Fransa səfirlərinin məsləhətləşmək üçün təcili olaraq geri çağırılması qərarına gəldikləri ifadə edilib.</p>
<p>İsrailin xarici işlər naziri Yair Lapid sentyabrın sonunda İsrail tarixində ilk dəfə olaraq Bəhreynə səfər edəcək. Bildirək ki, diplomat bunu ABŞ Dövlət Departamentinin rəhbəri Entoni Blinkenin Tel -Əviv, Əbu -Dabi və Manama arasında diplomatik əlaqələrin qurulması ilə bağlı “İbrahim Sazişi” nin imzalanmasının ildönümü ilə əlaqədar keçirdiyi virtual konfransda deyib.</p> <p>“Ayın sonunu səbirsizliklə gözləyirəm, Bəhreynə gedəcəyəm. Bu, İsrail nazirinin bu ölkəyə ilk səfəri olacaq”.</p> <p>Qeyd edək ki, rusların “RİA Novosti” saytı bu fikirlərin İsrailin xarici işlər naziri Yair Lapidə aid olduğunu bildirir.</p> <p><strong>Ağasəf</strong></p>
<p>Məşhur aktrisa Cansu Dere və aktyor Caner Cindorukun rol aldığı, Medyapım və Mednova tərəfindən istehsal edilən, Melis Sezenin müşayiəti ilə Kanal D-nin rekord qıran "Sadakatsiz" serialının yeni sezon təqdimatı yayımlanıb. SİA xarici mətbuata istinadən xəbər verir ki, Asya, Volkan və Derin üçbucağında olan münasibətlərin tamamilə fərqli bir vəziyyətə çevrildiyini izah edən tanıtım, sosial mediada böyük maraq doğurub.</p> <p>22 sentyabr çərşənbə günü Kanal D-də yeni mövsümün ilk bölümü sözügedən serial başlayır.</p> <p><strong>Ayşən Vəli</strong></p>
<p>Türk Qızılay Cəmiyyəti Azərbaycanın Qarabağ bölgəsindəki 9 məktəbdə ümumilikdə 2100 şagirdə məktəb ləvazimatları və geyim yardımı edib. SİA xəbər verir ki, Azərbaycan Qızıl Aypara Cəmiyyəti ilə birlikdə həyata keçirilən fəaliyyət çərçivəsində Füzuli, Ağdam və Tərtər rayonlarındakı məktəblərdə təhsil alan şagirdlərə məktəb ləvazimatları və geyim paylanılıb.</p> <p>Türk Qızılay Cəmiyyətinin İdarə Heyətinin üzvü Ercan Tan mətbuata açıqlamasında Türkiyənin müxtəlif bölgələrindən edilən yardımları azərbaycanlı qardaşlarına çatdırdıqlarını söyləyib.</p> <p>Sentyabrın 22-də Azərbaycanda məktəblərin açılacağını və uşaqların Türkiyədən göndərilən geyim və məktəb ləvazimatları ilə sevinclə məktəbə gedəcəklərini bildirən E.Tan qardaşlığın belə günlərdə bəlli olduğunu vurğulayıb və “Xoşbəxt günlərində onların yanında olmaq istəyirik. Yardım göndərən bütün bacı və qardaşlarımıza təşəkkür edirik”, - deyib.</p> <p>O, məktəb ləvazimatlarının qələm, dəftər və rəngli karandaşlardan, geyimlərin isə ayaqqabı, çəkmə, şalvar, sviter, corab və digər paltarlardan ibarət olduğunu sözlərinə əlavə edib.</p> <div class="container" no-gutters"> <div class="row"> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/09/17/3460401.jpg"> <img class="img-fluid" alt="" src="https://cdn.azerforum.com/2021/09/17/3460401.jpg"/> </a> </div> </div> </div>
<p>Məşhur türk müğənni Gülben Ergen uzun müddət sonra bu gecə Kuruçeşmedə ilk İstanbul konsertini verir. SİA xarici mətbuata istinadən xəbər verir ki, "Poll Production" tərəfindən təşkil edilən və Demirören Media sponsorluğunda Paraf Kuruçeşmə Arena Açıq Hava Konsertləri çərçivəsində səhnəyə çıxacaq Ergen, səhnəyə hazırlaşır.</p> <p>O, xüsusi olaraq hazırlanmış səhnə dekorasiyası və sürprizləri ilə musiqi sevərlərə unudulmaz bir gecə yaşatacaq.</p> <p><strong>Ayşən Vəli</strong></p>
<p>Beynəlxalq reytinq agentliyi olan “Fitch Ratings” 2021 -ci il üçün Türkiyədəki iqtisadi artım proqnozunu 9,2 faizə yüksəldiyini bildirib. Qeyd edək ki, bu barədə Dünya İqtisadiyyatı Prospektləri Agentliyinin ötən gün dərc olunan sentyabr hesabatında deyilir.</p> <p>Onu da qeyd edək ki, “Fitch Ratings” avqust ayında Türkiyənin iqtisadi artım proqnozunu 6,3 faizdən 7,9 faizə qaldırmışdı. Agentlik hesabatında pandemiya böhranından sağalma davam edərsə, 2021 -ci ildə artımın təxminən son 10 ildə ən yüksək olacağını da istisna etməmişdi.</p> <p>Bununla yanaşı, “Fitch Ratings” Türkiyədəki iqtisadi artım tempinin ilin ikinci yarısında da aparıcı göstəricilərdə və hərəkətlilik indekslərində davam edəcəyini etiraf etmişdi.</p> <p>Agentlik, Türkiyənin ümumi daxili məhsul (ÜDM) artımının 2022 -ci ildə 3,5 faizə qədər yavaşlayacağını, ancaq 2023 -cü ildə 4,5 ə yüksələcəyini təxmin edir.</p> <p>Hesabatda həmçinin, inflyasiyanın 2021 -ci ildə 17,2, 2022 -ci ildə 13,4, 2023 -cü ildə isə 10,5 faiz olacağı bildirilir.</p> <p><strong>Ağasəf</strong></p>
<p>Azərbaycan əsilli tanınmış fotoqraf Reza Deqati Qarabağda mədəniyyət abidələrimizə qarşı erməni işğalçıları tərəfindən törədilmiş vandalizm ilə bağlı paylaşım edib. <a href="https://azertag.az" target="_blank">SİA</a> Sputnik Azərbaycana istinadən xəbər verir ki, verir ki, o, bütün zamanların ən böyük şair və filosoflarından olan Nizami Gəncəvinin Qarabağın işğalı zamanı ermənilər tərəfindən dağıdılan büstünün görüntülərini özünün "Twitter" hesabından dərc edib.</p> <p>Məşhur fotoqraf böyük şairin bu il anadan olmasının 880 ilinin tamamlandığını xatırladaraq, bunun bütün Azərbaycanda qeyd olunduğunu vurğulayıb.</p> <p>Məlumat üçün bildirək ki, Deqati illərdir ki, Qarabağ gerçəkliklərini dünyaya çatdırır. Məşhur fotoqraf Azərbaycanın işğaldan azad olunmuş bir çox bölgələrində - Cəbrayıl, Füzuli, Zəngilan, Kəlbəcər rayonlarında fotolar çəkib. O, bundan başqa, Bərdədə və Gəncədə baş verən erməni terrorunu fotoları vasitəsilə dünyaya yayıb. O, bir sıra beynəlxalq mükafatlar alıb. Missuri Universitetinin "Şərəf" medalına layiq görülüb, Parisin Amerika Universitetinin fəxri doktorudur. Fransa hökuməti onu Milli Cəngavərlik Ordeni ilə təltif edib. Parisdə "Mühacirin düşüncələri", "Kəsişən talelər", Vaşinqtonda "Bir dünya, bir tayfa", Normandiyada "Müharibə+Sülh" və Dohada "Ümid" adlı sərgiləri təşkil olunub. Fotoqraf ümumilikdə 250 sərginin iştirakçısıdır.</p>
<p>Baş nazir Boris Conson hökumətinin İngiltərədəki ilk kabinet dəyişikliyində Xarici İşlər, Müdafiə, Mənzil, Beynəlxalq Ticarət və Təhsil nazirliklərinin vəzifələrində dəyişiklik olub.<br/> Baş Nazirlikdən yayılan məlumatlar və nazirlərin sosial media hesablarında etdikləri paylaşımlara görə, ədliyyə naziri Robert Bakland, mənzil naziri Robert Jenrik və təhsil naziri Gavin Villiamson yeni kabinetdə yer ala bilməyiblər.<br/> Xarici işlər naziri Dominik Raab Ədliyyə Nazirliyinə təyin olunarkən Baş nazirin müavini postunu qoruyub.<br/> Raabın Əfqanıstanın paytaxtı Kabilə nəzarətin keçən ay Taliban hərəkatının əlinə keçərkən tətildə olduğu və təxliyyələr üçün lazım olan telefon zənglərini etmədiyi məlum olmuş və müxalifət onun istefasını tələb etmişdi.<br/> Beynəlxalq ticarət naziri Liz Truss Raabdan boşalan Xarici İşlər Nazirliyinə təyin olunub.<br/> Fransa üzərindən mühacir axını səbəbiylə vəzifədən çıxarıla biləcəklər arasında göstərilən daxili işlər naziri Priti Patel öz vəzifəsində qalıb.<br/> Ədliyyə naziri Bukland qərardan sonra "Twitter" hesabında xidmət etmənin onun üçün bir şərəf olduğunu bildirib.<br/> Təhsil naziri Gavin Villiamson "Twitter" hesabından etdiyi paylaşımda yeni növ koronavirusun (Covid-19) çətinliyinə baxmayaraq təhsildə öncüllük etdiyi islahatlarla qürur duyduğunu və Baş naziri və hökuməti dəstəkləməyə davam edəcəyini açıqlayıb.<br/> Mənzil naziri Jenrik Nazirliyindəki hər kəsə zəhməti, fədakarlığı və dostluğu üçün təşəkkür edib.</p>
<p>YAP Suraxanı rayon təşkilatının sədri Vüqar Seyidov və təşkilatın nümayəndələri Binə qəsəbəsi Südçülük yaşayış sahəsinin sakini, Vətən Müharibəsi şəhidi əsgər (MAHHXHQ) Məmmədov İsa Nazimoğlunun ailəsini ziyarət edib, ailənin qayğıları ilə maraqlanıblar. SİA-nın verdiyi məlumata görə, görüş zamanı şəhidlərimizə olan hörmət və ehtiramını bildirən Vüqar Seyidov bildirib ki, bütün şəhidlərimizin əziz xatirəsi hər zaman Azərbaycan xalqının qəlbində yaşayacaq. Dövlət başçımızın şəhid ailələrinin sosial qayğılarına göstərdiyi böyük diqqət bizlər üçün də nümunə təşkil edir. Tək təsəllimiz şəhidlərin qanlarının yerdə qalmaması və torpaqlarımızın işğaldan azad olunmasıdır. YAP Suraxanı rayon təşkilatının sədri Vüqar Seyidov şəhidimizin əziz xatirəsini bir daha yad edərək üzərində şəhidin təsviri toxunmuş xalçanı ailəyə təqdim edib.</p> <p>Göstərilən diqqət və qayğıya görə şəhidin ailə üzvləri öz dərin minnətdarlıqlarını bildiriblər.</p> <div class="container" no-gutters"> <div class="row"> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/09/16/3451238.jpg"> <img class="img-fluid" alt="" src="https://cdn.azerforum.com/2021/09/16/3451238.jpg"/> </a> </div> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/09/16/3451239.jpg"> <img class="img-fluid" alt="" src="https://cdn.azerforum.com/2021/09/16/3451239.jpg"/> </a> </div> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/09/16/3451240.jpg"> <img class="img-fluid" alt="" src="https://cdn.azerforum.com/2021/09/16/3451240.jpg"/> </a> </div> </div> </div>
<p>Əfsanəvi Rolling Stones qrupu keçən ay dünyasını dəyişən nağaraçı Karlie Vattsın xatirəsinə loqosunu yas logosu ilə dəyişdirəcək. SİA xarici mətbuata istinadən xəbər verir ki, qırmızı dil loqosu qara rəng olacaq və qrupun qastrol səfərində ekranlara çıxacaq. 80 yaşında dünyasını dəyişən Vatts 1963-cü ildən bəri qrupun nağaraçısı idi.</p> <p><strong>Ayşən Vəli</strong></p>
