<p>Bilindiyi kimi, "Şamaxı" mayın 31-də "ASK Arena"nı tərk edəcək.</p><p>Klubun idman mərkəzinin sahibi olan Azərbaycan Sənaye Koorporasiyası ilə müqaviləsi bu tarixdə başa çatır.</p><p>Apreldən etibarən təmsil etdiyi Şamaxıda ev oyunlarını keçirməyə başlayan sabiq «bankirlər» yeni mövsümdə də tam şəkildə əyalətdə məskunlaşmayacaq.</p><p>14 yaşdan yuxarı qruplar, gənclərdən və əvəzedicilərdən ibarət heyətlər, o cümlədən, əsas komanda paytaxtda qalacaq.</p><p>"Şamaxı"lılar yeni düşərgə axtarışında istiqaməti dəyişib.</p><p>Hazırda "Sərhədçi" İdman Olimpiya Mərkəzinin rəhbərliyi ilə danışıqlar gedir. Məqsəd buranı uzunmüddətli icarəyə götürməkdir. </p><p>Heydər Əliyev prospektində yerləşən stadion və baza isə təyinatı üzrə istifadə olunacaq. Böyük idman kompleksin yeni istifadəçisinin kimliyi də məlumdur - “Sabah“.</p><p>Azərbaycan Sənaye Korporasiyası ilə “ağ-göylər“ arasında gedən danışıqlar buranın uzunmüddətli icarəyə götürülməsi ilə nəticələnib. “Sabah“ın iyunun 1-dən etibarən “ASK Arena“da məskunlaşmağa başlaması planlaşdırılır.</p><p>AFFA “Termist” adlı idman qurğusunun əsasında bu məkanı UEFA-nın ayırdığı vəsait hesabına 2000-ci ildə əsaslı yenidən qurub. Yenidənqurma işləri 4,5 milyon dollara başa gəlib.</p> <p>2001-ci ildən istifadəyə verilən arena ilk olaraq “Şəfa” adlandırılıb. Arena öncədən milli komandaların təlim-məşq bazası üçün nəzərdə tutulub.</p><p>Əsas meydançada milli çempionatın ilk dövrəsində “Olimpik” ev oyunlarını keçirib. 2014-cü ildə stadion “İnter”ə (hazırkı “Keşlə”) 4,25 milyon manata satılıb.</p><p>Federasiya bu addımını stadionu öz imkanları hesabına saxlaya bilməməsi ilə əsaslandırıb. Stadionun adı dəyişdirilərək, “İnter”in adına uyğun olaraq "İnter Arena" adı verilib.</p><p>2018-ci ilin 20 iyulunda Azərbaycan Sənaye Korporasiyasının balansında olduğu üçün stadiona şirkətin adının baş hərfləri (ASK) verilib və burada “Keşlə” ev oyunlarını keçirib.</p><p>Ötən il isə stadionun idarə edilməsi səlahiyyəti “ASK İdman Kompleksi” MMC-dən alınaraq, “ASK Əmlak” MMC-yə verilib.</p><p><strong>SPORTİNFO.AZ</strong></p>
<p>Müdafiə Nazirliyinin tərkibində fəaliyyət göstərən komissiya tərəfindən Vətən müharibəsində iştirakı ilə bağlı məlumatlarının araşdırılması yekunlaşan və arayış-məlumatları hazır olan növbəti 5 000-dən çox vətəndaşın sənədləri “Müharibə veteranı” adının verilməsi məqsədilə qərar qəbul edilməsi üçün müvafiq komissiyaya göndərilib.</p><p>Bu barədə nazirliyin feysbuk səhifəsində məlumat yayılıb.</p><p>Bildirilib ki, sənədləri göndərilən vətəndaşlar barədə qərar qəbul edildikdən sonra onların da adları “Müharibə veteranı” adının verilməsi üçün “Zəfər” altsisteminə daxil ediləcək: “Bundan sonra onlara da Azərbaycan Prezidentinin aylıq təqaüdünün (80 AZN) təyin edilməsi və 2022-ci ilin yanvar ayının 1-dən hesablanaraq ödənilməsi təmin olunacaq.</p><p>Bugünədək Vətən müharibəsində iştirak etmiş 76 000 nəfərə “Müharibə veteranı” adı verilib, müraciəti daxil olmuş digər vətəndaşların Vətən müharibəsi iştirakı ilə bağlı arayış-məlumatları isə tam hazırlanıb yekunlaşdıqdan sonra baxılması və qərar qəbul edilməsi üçün müvafiq komissiyaya göndəriləcək.</p> <p>Hər bir vətəndaşın müraciətinə xüsusi həssaslıqla yanaşılır. Müraciətlərin araşdırılması fərdi yanaşma və vaxt tələb etdiyindən vətəndaşlardan qarşıya çıxan qayğıları anlayışla qarşılamağı xahiş edirik”.</p>
<p>Avropa Konfrans Liqasının qalibi olan "Roma"nın qazandığı məbləğ məlum olub.</p><p><strong>Sportinfo.az</strong> xəbər verir ki, İtaliya təmsilçisi turnirin çempionluğuna görə 5 milyon avro mükafat əldə edib.</p><p>"Canavarlar" finala qədər olan mərhələlərdə göstərdikləri nəticələrə görə də 10 milyon avro qazanıb.</p><p>Beləliklə Joze Mourinyonun rəhbərlik etdiyi komandanın Avropa Konfrans Liqasındakı ümumi gəliri 15 milyon avro olub.</p> <p>"Roma"nın televiziya yayımından nə qədər qazanacağı isə önümüzdəki günlərdə məlum olacaq.</p>
<p>«Neftçi»nin yarımmüdafiəçisi Sezar Meza Kolli öz xidmətini yenidən «Zirə»yə təklif edib.</p><p>Paraqvaylı legioner qəsəbə təmsilçisinə xəbər göndərərək, illər öncə ayrıldığı düşərgəyə dönmək istədiyini bildirib.</p><p>Cənubi amerikalının niyyəti «qartallar»ı sevindirib. Axı onlar hələ ötən yay Sezarla anlaşmağa çox həvəs göstərirdi, di gəl, o, həmin vaxt «Şamaxı»dan «Neftçi»yə keçməyə üstünlük vermişdi.</p><p>Geridə qalan «futbol ili» orta sahə oyunçusu üçün bir elə uğurlu keçmədi. Bir neçə matçda komandasına fayda versə də, daim əsas heyətdə yer almadı, ön plana çıxmadı.</p> <p>Burada pul amili də var idi, bu gün isə ona daha çox oynamaq lazımdır.</p><p><strong>SPORTİNFO.AZ</strong><br /> </p>
<p>«Qarabağ» yeni transferinin adını açıqlamağa hazırlıq görür.</p><p>Bu barədə klubdan <strong>Sportinfo.az</strong>-a bildirilib.</p><p>Verilən məlumata görə, uzun müddətdir danışıqlar aparılan legionerlərdən biri ilə yekun anlaşma əldə olunub və yaxın günlərdə Azərbaycana gələcək.</p> <p>Sürpriz olsun deyə, hələlik adı ictimaiyyətdən gizli saxlanılır. Sadəcə, informasiyada o qeyd edilib ki, yeni transferin ampluası stopperdir və 2+1 illik müqavilə yə imza atacaq.</p>
<p>4 illik fasilədən sonra Azərbaycan Premyer Liqasına qayıdan “Kəpəz” dəstək üçün iş adamlarına çağırış edib.</p><p><strong>Sportinfo.az</strong> xəbər verir ki, müraciətdə futbolu sevən gəncəli biznesmenlərdən komandaya dəstək göstərmələri istənilib.</p><p>"Kəpəz" I Diviziondan Premyer Liqaya "Turan Tovuz"la birlikdə yüksəlib. Bildirilib ki, hazırda Azərbaycan futbolunda ən böyük azarkeş ordusuna malik klubun maliyyə yardımına ehtiyacı var:</p><p>"Qədim futbol ənənələrinə malik Gəncə layiq olduğu yerə - elitaya qayıdır. Bu dönüşümüz doğma şəhərimizin, klubumuzun adına, tarixinə, qazandıqları titullara layiq olmalı, “Kəpəz” ruhu titrəməlidir.</p><p>Bunun üçün “sarı-göylər”ə maddi və mənəvi dəstək mütləqdir. Sonuncu amil sarıdan komandamızın bəxti digər klublardan daha çox gətirib.</p><p>Bu gün “Kəpəz” Azərbaycan futbolunda ən böyük azarkeş ordusuna malik klubdur. Gəncə təmsilçisi çempionat oyunlarında tamaşaçı sayına görə özünəməxsus rekordları yeniləməklə öyünür.</p><p>Təsadüfi deyil ki, “12-ci oyunçu” sözü daha çox “Kəpəz” azarkeşlərinə uyğun gələn ifadədir. Və biz bu cür fanatlarımızla qürur duyur, fəxr edirik.</p> <p>Amma müasir futbolda uğurlu çıxışı şərtləndirən amillərdən ən birincisi şübhəsiz ki, maddi məsələdir. Nailiyyət qazanmaq klubun maliyyə təminatına bağlıdır.</p><p>Odur ki, “Kəpəz” PFK gəncəli iş adamlarına, futbolu sevən biznesmenlərə dəstək üçün müraciət edir. Bu gün klubumuz maliyyə yardımına ehtiyac duyur.</p><p>“Kəpəz”in hesabına müxtəlif şirkətlər və sahibkarlar tərəfindən maliyyə vəsaiti köçürülə bilər ki, bu da komandamızın büdcəsini artırmaqla uğurlu çıxışa kömək olacaq.</p><p>“Kəpəz” ailəsi olaraq bizimlə birlikdə irəliləmək istəyən sponsorlara çağırış edirik.</p><p>Futbolun inkişafını əhatə edən investisiya təkliflərini dəyərləndirməyə hazırıq! Klubumuza sərmayə qoymaq, futbolun inkişafını birgə təmin etmək üçün yolunuzu gözləyirik! Kəpəz zirvədir, həmişə zirvədə olun!".</p>
<p>«Neftçi» Vojislav Stankoviçə yeni müqavilə təklif edib.</p><p>Serbiyalı müdafiəçi şərtlərlə razılaşarsa, onunla kontrakt gələn mövsümün sonunadək uzadılacaq.</p><p>Ötən 3 sezonu paytaxt klubunda keçirən sabiq «Qəbələ»li ən ödənişli legionerlərdən biri sayılır.</p><p>Bakılılar 34 yaşlı balkanlının daha aşağı şərtlərlə çıxışını davam etdirməyə okey verəcəyinə ümid bəsləyir.</p> <p><strong>SPORTİNFO.AZ</strong></p>
<p>“Rusiyanı sakitləşdirmək mümkün deyil. Buna güclə cavab vermək lazımdır.</p><p>Biz Ukraynanın qələbəsini hərbi yardım və sanksiyalarla təmin etməkdə mətanətli olmalıyıq. İndi biz daha geriyə addım ata bilmərik, yalnız irəli getməliyik".</p><p>Bunu Böyük Britaniyanın Xarici İşlər naziri Liz Trass deyib.</p><p>Liz Trass bildirib ki, Rusiyanın təcavüzünə güc tətbiq edilməlidir və Kremlin sahibi Vladimir Putini “sakitləşdirmək” cəhdləri təhlükəlidir.</p><p>Britaniyalı nazir Ukraynaya silah tədarükünün artırılmasını və Rusiyaya qarşı sanksiyaların sərtləşdirilməsini tələb edib.</p> <p>Onun sözlərinə görə, Rusiyanın Ukraynaya qarşı müharibəsində məğlubiyyətini təmin etmək üçün heç bir geriləməyə yol verilə bilməz.</p><p>“Biz Ukraynada uzanan və getdikcə ağrılı münaqişənin inkişafına imkan verməməliyik. Qərb yaxın tarixdən nəticə çıxarmalıdır. Xüsusilə, Qərbin Putinə müxtəlif güzəştlərə getdikdən sonra Gürcüstana, Krıma və Donbasa hücum etməsindən...".</p>
<p>"Mənimlə birlikdə oynayan çox bacarıqlı futbolçular olub".</p><p><strong>Sportinfo.az</strong> xəbər verir ki, bunu "Qarabağ"ın baş məşqçisi Qurban Qurbanov deyib.</p><p>50 yaşlı mütəxəssis ölkə futbolunda 3 oyunçunu xüsusi fərqləndirib:</p><p>"Onlar Avropada istənilən komandada oynaya bilərdilər. Sanki Azərbaycana aid futbolçu deyildilər.</p> <p>Bu, Yunis Hüseynov, Vidadi Rzayev və Rəşad Sadıqov idi. Hərəsinin özünəməxsus özəlliyi var idi. Bəlkə də bu qabiliyyətə malik oyunçular Avropada yoxdur".</p>