<p>Azərbaycan Respublikasının Prezidenti İlham Əliyev <a target="_blank" href="https://homdom.az/offers/l-elet">Ələt</a> Azad İqtisadi Zonasının birinci mərhələsinin açılış mərasimində iştirak edib.</p><p>Ələt Azad İqtisadi Zonasının səlahiyyətli qurumunun İdarə Heyətinin sədri Valeh Ələsgərov görülən işlər barədə dövlətimizin başçısına məlumat verdi.</p><p>Bildirildi ki, Ələt Azad İqtisadi Zonasının ümumi sahəsi 850 hektardır. Azad İqtisadi Zonanın ilkin inkişaf mərhələsi olan 60 hektar ərazidə (Zona 1, Mərhələ 1) tikinti işlərinə başlanılıb və bir sıra işlər görülüb. Belə ki, investorlara icarəyə veriləcək torpaq sahələri inşaat üçün artıq hazırdır. Ümumi sahəsi 297 min kvadratmetr olan torpaq sahələrinin daxilində su, kanalizasiya, işıq, qaz, rabitə şəbəkələrinə birləşmə nöqtələri təmin edilib. Burada, həmçinin istifadəyə hazır ərazi-daxili və ərazi-xarici mühəndis-kommunikasiya infrastrukturu yaradılıb. Zona 1 ərazisinin əsas girişində gömrük-keçid məntəqələri, həmçinin gömrük yoxlanışlarının aparılması üçün binalar inşa olunub.</p><p>Dövlətimizin başçısı Ələt Azad İqtisadi Zonasının Biznes Mərkəzində yaradılan şəraitlə tanış oldu.</p><p>Məlumat verildi ki, ümumi sahəsi 16 min kvadratmetr olan Biznes Mərkəzinin binası 3 funksional hissədən ibarətdir. Burada Ələt Azad İqtisadi Zonasının Səlahiyyətli Qurumunun ofisi, investorlara vahid pəncərə prinsipi ilə xidmət göstərəcək ofis, investorların idarəetmə qurumları üçün ofislər və təhkim olunan gömrük əməkdaşları üçün ofis fəaliyyət göstərəcək. Biznes Mərkəzində yüksəkkeyfiyyətli xidməti təmin edəcək müvafiq infrastruktur və maddi-texniki baza yaradılıb.</p><p>Diqqətə çatdırıldı ki, növbəti inkişaf mərhələsində 138 hektar sahəni əhatə edən standart istehsal müəssisələri və logistika mərkəzləri üçün nəzərdə tutulmuş hissədə və eyni zamanda, 211 hektar sahəni əhatə edən ağır sənaye müəssisələri üçün hissədə layihələndirmə işləri davam edir. Növbəti inkişaf mərhələsinə aid 138 hektar sahədə torpaq işlərinə tezliklə başlanılması planlaşdırılır.</p><p>Ələt Azad İqtisadi Zonası Prezident İlham Əliyevin Azərbaycanı beynəlxalq səviyyədə rəqabətədavamlı və dayanıqlı, şaxələndirilmiş və ixracyönümlü iqtisadiyyata malik bir ölkə kimi inkişaf etdirməyə yönəlmiş siyasətinin real təməllərindəndir. Bu layihənin icrası nəticəsində Azərbaycana daha çox xarici investisiyalar cəlb olunacaq və yeni iş yerləri yaradılacaq. Ələt Azad İqtisadi Zonasının yaradılması barədə qərar 2017-ci ildə, bununla bağlı müvafiq qanun isə 2018-ci ildə qəbul edilib. Pandemiyanın dünyada yaratdığı böyük iqtisadi və maliyyə çətinliklərinə baxmayaraq 2021-ci il iyulun 1-də Prezident İlham Əliyevin iştirakı ilə Ələt Azad İqtisadi Zonasının təməli qoyulub.</p><p>Bakı Beynəlxalq Dəniz Ticarət Limanının yaxınlığında və qlobal nəqliyyat dəhlizlərinin üzərində strateji coğrafi mövqeyə malik iqtisadi zonada yaradılan əlverişli şərait, o cümlədən nadir qanunvericilik bazası, fiskal və qeyri-fiskal imtiyazlar zərfi, zəruri infrastruktur və mühəndis-kommunikasiya sistemləri ilə təmin edilmiş sənaye torpaq sahələri, nəqliyyat-logistika mərkəzləri və digər perspektivlər investorlar üçün davamlı regional üstünlük yaradacaq və Ələt Azad İqtisadi Zonasını regional investisiya mərkəzinə çevirəcək.</p><p>Bildirilib ki, bu iqtisadi zonada investorlar üçün aşağıdakı fiskal və qeyri-fiskal imtiyazlar tətbiq edilir:</p><p>- İnvestorlar əlavə dəyər vergisi, ödəmə mənbəyində vergi, mənfəət vergisi və hər hansı digər korporativ vergidən azaddırlar;</p><p>- Zonada idxal və ixrac zamanı gömrük rüsumları və vergilər tətbiq olunmur;</p><p>- Aylıq əməkhaqqı 8 min manata qədər olan işçilər üçün gəlir vergisi tətbiq olunmur;</p><p>- Yüksəkixtisaslı əcnəbi işçilər üçün sosial sığorta ödənişləri könüllü, yerli işçilər üçün isə məcburi xarakter daşıyır;</p><p>- Əcnəbi hüquqi və fiziki şəxslərin Ələt Azad İqtisadi Zonasında mülkiyyət sahibi olmasına heç bir məhdudiyyət qoyulmur;</p><p>- Xarici investorlar üçün yerli tərəfdaş və səhmdar tələbi yoxdur;</p><p>- Valyuta əməliyyatları və ya mənfəətin repatriasiyasında heç bir məhdudiyyət yoxdur;</p><p>- İnvestorların əmlakı heç bir halda milliləşdirilə bilməz və Ələt Azad İqtisadi Zonası Səlahiyyətli Qurumu investorların əmlakını bu və ya digər məhdudiyyətlərdən qorunmasına təminat verir;</p><p>- Ələt Azad İqtisadi Zonası Səlahiyyətli Qurumu, həmçinin investorların əqli mülkiyyət hüquqlarının tam qorunmasına təminat verir.</p><p>Beləliklə, Ələt Azad İqtisadi Zonasının fəaliyyətə başlaması Azərbaycana böyük iqtisadi dividendlər qazandırmaqla yanaşı, ölkəmizin regionda mövqelərini daha da gücləndirəcək, Şərq-Qərb və Şimal-Cənub tranzit-nəqliyyat dəhlizlərində mühüm rolu olan respublikamızın strateji əhəmiyyətini daha da artıracaq. Bu iqtisadi zonanın yaradılması dövlət gəlirlərinin və büdcəyə daxil olan vəsaitin artmasına, yeni investisiyaların cəlb edilməsinə şərait yaradacaq. Bundan başqa, bu layihənin icrası nəticəsində ölkəmizin milli iqtisadiyyatının dünya iqtisadiyyatı sisteminə inteqrasiyası sürətlənəcək.</p>
<p>Azərbaycan Respublikası Kənd Təsərrüfatı Nazirliyinin Bakıda yeni inzibati binası istifadəyə verilib.</p><p>Azərbaycan Respublikasının Prezidenti İlham Əliyev açılışda iştirak edib.</p><p>Son illərdə paytaxtda modern üslubda tikilən binalar sırasına daha biri əlavə olunub. Xətai rayonu, Nəcəfqulu Rəfiyev və Süleyman Vəzirov küçələrinin kəsişməsində ucaldılan yeni bina da müasir memarlığı ilə diqqəti cəlb edir.</p><p>Kənd təsərrüfatı naziri Məcnun Məmmədov bina barədə dövlətimizin başçısına məlumat verdi.</p><p>Bildirildi ki, yeni binanın tikintisinə 2017-ci ildə başlanılıb və bu ilin iyun ayında başa çatdırılıb. Müasir memarlıq üslubuna uyğun inşa olunan bina nazirliyin aparatı ilə yanaşı, Aqrar Kredit və İnkişaf Agentliyi, Aqrar Tədqiqatlar Mərkəzi, Aqrar İnnovasiya Mərkəzi və Aqrar İnkişaf Könüllüləri olmaqla 500-ə yaxın əməkdaşın fəaliyyəti üçün nəzərdə tutulub.</p><p>Binanın hündürlüyü olan 12 metr foyesində “Əbədiyyət” kompozisiyası nümayiş olunur. Kompozisiyanın müəllifi rəssam-heykəltəraş Rəşad Mehdiyevdir.</p><p>Üç hissədən ibarət olan kompozisiyanın rəmzi motivi Azərbaycan xalqının Ümummilli Lideri, müstəqil Azərbaycan dövlətinin qurucusu, görkəmli dövlət xadimi Heydər Əliyevin anadan olmasının 100 illiyini əks etdirir.</p><p>Kompozisiyada Azərbaycan xalqının həyat fəlsəfəsinə uyğun əbədi dəyərləri, qalib insan ruhunu, zəhməti və bərəkəti, dayanıqlılığı nümayiş etdirən ideyalar əksini tapıb. Mərkəzdə Heydər Əliyevin büstü olan kompozisiyada ağacın budaqları səmaya və sonsuzluğa doğru ucalır. Kufi üslubunda xüsusi bir nizamla yaradılan şəbəkə səmanı ifadə edir. Səmada Ümummilli Liderin anadan olmasının 100 illiyini əks etdirən 100 ulduz parlayır.</p><p>Ağacla bərabər səmaya ucalan sütunlar ərzaq təhlükəsizliyinin dayanıqlılığını təcəssüm edir. Ağacın budaqları kompozisiyanın sağına - qələbə və sülhün bərqərar olduğu bərəkətli torpaqlar əks edilmiş rəsmə doğru uzanır. Yağlı boya ilə işlənən əsərdə əzəmətli dağın və geniş buğda zəmisinin üzərindən səmaya doğru pərvazlanan göyərçinlər 44 günlük Vətən müharibəsində qazanılan Qələbəni müjdələyir.</p><p>“Əbədiyyət” kompozisiyasının sol hissəsində torpaqlarımızda yetişən nemətləri təqdim edən insan əlləri heykəli əks etdirilib. Bərəkət və zəhməti təcəssüm etdirən əllər ağacın budaqlarından qidalanır.</p><p>Qeyd edildi ki, burada Ümummilli Liderə həsr olunan xüsusi “Heydər Əliyev-100” guşəsi də yaradılıb. Bu il xalqımız müasir Azərbaycanın qurucusu Ulu Öndər Heydər Əliyevin 100 illik yubileyini qeyd edir. Ulu Öndərin Azərbaycanda aqrar sahənin inkişafı ilə bağlı gördüyü işlər guşədə geniş əks olunub.</p><p>Nazirliyin yeni binası ilə tanışlıq zamanı qeyd olundu ki, 215 otaqdan ibarət işçi mərtəbələrdə əməkdaşların fəaliyyəti üçün hər cür şərait yaradılıb. Binada nazirliyin Elektron İdarəetmə Mərkəzi üçün xüsusi otaq, hər cür şəraitə malik və müasir multimedia vasitələri ilə təchiz olunan konfrans və iclas zalları, həmçinin müxtəlif təyinatlı iclas otaqları, yeməkxana var. Diqqətə çatdırıldı ki, ərazidə 170 avtomobil yerlik dayanacaq yaradılıb.</p><p style="text-align:center;">x x x</p><p>Qeyd edək ki, ölkəmizdə kənd təsərrüfatına dövlət dəstəyinin gücləndirilməsi, aqrar sığorta mexanizminin tətbiqi aqrar sahənin dinamik inkişafına müsbət təsirini göstərir. Bunun nəticəsidir ki, 2022-ci ildə Azərbaycanda kənd təsərrüfatı məhsulları istehsalının həcmi 3,4 faiz artıb. Artım dinamikası 2023-cü ilin ilk dörd ayında da qorunub saxlanılıb. Həmin müddətdə ölkədə kənd təsərrüfatı məhsulları istehsalının həcmində ötən ilin müvafiq dövrü ilə müqayisədə 3,5 faiz artım qeydə alınıb.</p><p>Subsidiyaların Elektron Kənd Təsərrüfatı İnformasiya Sistemi vasitəsilə verilməsi, aqrar sahədə rəqəmsallaşma səviyyəsinin ildən-ilə artmasını təmin edir. Aqrar sahəyə dair müasir innovasiyalar və texnologiyalara, texnoloji yeniliklərə, kənd təsərrüfatı texnikasına, damazlıq heyvanlara əlçatanlığın təmin edilməsi, gübrə bazarının liberallaşdırılması sağlam rəqabət mühitinin formalaşmasına səbəb olub. Məhsul istehsalının artması kənd təsərrüfatı məhsullarının ixrac potensialını yüksəldib. Belə ki, ötən il ölkəmizdən xarici bazarlara 886,1 milyon ABŞ dolları dəyərində kənd təsərrüfatı məhsulu ixrac olunub. İxracın həcmi əvvəlki illə müqayisədə 1 faiz artıb.</p> <div class="article-carousel" fotorama" data-autoplay="true" data-ratio="660/430" data-width="100%"> <img src="https://cdn.azerforum.com/2023/06/06/12482237.jpg" alt="gallery-photo"/><img src="https://cdn.azerforum.com/2023/06/06/12482238.jpg" alt="gallery-photo"/><img src="https://cdn.azerforum.com/2023/06/06/12482239.jpg" alt="gallery-photo"/><img src="https://cdn.azerforum.com/2023/06/06/12482240.jpg" alt="gallery-photo"/><img src="https://cdn.azerforum.com/2023/06/06/12482241.jpg" alt="gallery-photo"/><img src="https://cdn.azerforum.com/2023/06/06/12482242.jpg" alt="gallery-photo"/><img src="https://cdn.azerforum.com/2023/06/06/12482243.jpg" alt="gallery-photo"/><img src="https://cdn.azerforum.com/2023/06/06/12482244.jpg" alt="gallery-photo"/><img src="https://cdn.azerforum.com/2023/06/06/12482245.jpg" alt="gallery-photo"/><img src="https://cdn.azerforum.com/2023/06/06/12482247.jpg" alt="gallery-photo"/><img src="https://cdn.azerforum.com/2023/06/06/12482249.jpg" alt="gallery-photo"/><img src="https://cdn.azerforum.com/2023/06/06/12482250.jpg" alt="gallery-photo"/><img src="https://cdn.azerforum.com/2023/06/06/12482251.jpg" alt="gallery-photo"/><img src="https://cdn.azerforum.com/2023/06/06/12482252.jpg" alt="gallery-photo"/><img src="https://cdn.azerforum.com/2023/06/06/12482253.jpg" alt="gallery-photo"/><img src="https://cdn.azerforum.com/2023/06/06/12482254.jpg" alt="gallery-photo"/><img src="https://cdn.azerforum.com/2023/06/06/12482255.jpg" alt="gallery-photo"/> </div> <div class="link-to_block"><a class="full-size" href="/az/articles/view/60159/images">Böyük ölçüdə şəkillər</a></div>
<p><a href="https://president.az/az/articles/view/60094">İlham Əliyev Moldovaya səfərə gəlib</a></p><p><a href="https://president.az/az/articles/view/60098">Kişineuda İlham Əliyevin Moldova Prezidenti Maya Sandu ilə görüşü olub</a></p><p><a href="https://president.az/az/articles/view/60099">İlham Əliyev Kişineuda Moldovanın Baş naziri ilə görüşüb</a></p><p><a href="https://president.az/az/articles/view/60100">Kişineuda “Avropa siyasi birliyi” 2-ci Zirvə toplantısının açılış mərasimi keçirilib</a></p><p><a href="https://president.az/az/articles/view/60106">İlham Əliyev Kişineuda enerji təhlükəsizliyinə həsr olunmuş dəyirmi masada iştirak edib</a></p><p><a href="https://president.az/az/articles/view/60107">Azərbaycan Prezidenti “Avropa siyasi birliyi”nin Zirvə toplantısı çərçivəsində işçi lançda iştirak edib</a></p><p><a href="https://president.az/az/articles/view/60109">Kişineuda Azərbaycan, Ermənistan və Avropa İttifaqı Şurası liderləri arasında qeyri-rəsmi görüş olub</a></p><p><a href="https://president.az/az/articles/view/60108">Kişineuda Azərbaycan, Ermənistan, Avropa İttifaqı Şurası, Almaniya və Fransa liderlərinin qeyri-rəsmi görüşü keçirilib</a></p><p><a href="https://president.az/az/articles/view/60116">Kişineuda Azərbaycan və Ukrayna prezidentlərinin görüşü olub</a></p><p><a href="https://president.az/az/articles/view/60117">İlham Əliyevin Moldovaya səfəri başa çatıb</a></p> <div class="article-carousel" fotorama" data-autoplay="true" data-ratio="660/430" data-width="100%"> <img src="https://cdn.azerforum.com/2023/06/05/12458923.jpg" alt="gallery-photo"/><img src="https://cdn.azerforum.com/2023/06/05/12458924.jpg" alt="gallery-photo"/><img src="https://cdn.azerforum.com/2023/06/05/12458925.jpg" alt="gallery-photo"/><img src="https://cdn.azerforum.com/2023/05/31/12386454.jpg" alt="gallery-photo"/><img src="https://cdn.azerforum.com/2023/05/31/12386455.jpg" alt="gallery-photo"/><img src="https://cdn.azerforum.com/2023/05/31/12386456.jpg" alt="gallery-photo"/><img src="https://cdn.azerforum.com/2023/05/31/12386457.jpg" alt="gallery-photo"/><img src="https://cdn.azerforum.com/2023/05/31/12386458.jpg" alt="gallery-photo"/><img src="https://cdn.azerforum.com/2023/05/31/12387658.jpg" alt="gallery-photo"/><img src="https://cdn.azerforum.com/2023/05/31/12387659.jpg" alt="gallery-photo"/><img src="https://cdn.azerforum.com/2023/05/31/12387660.jpg" alt="gallery-photo"/><img src="https://cdn.azerforum.com/2023/06/05/12458926.jpg" alt="gallery-photo"/><img src="https://cdn.azerforum.com/2023/06/05/12458927.jpg" alt="gallery-photo"/><img src="https://cdn.azerforum.com/2023/06/05/12458928.jpg" alt="gallery-photo"/><img src="https://cdn.azerforum.com/2023/06/05/12458929.jpg" alt="gallery-photo"/><img src="https://cdn.azerforum.com/2023/06/05/12458930.jpg" alt="gallery-photo"/><img src="https://cdn.azerforum.com/2023/06/05/12458931.jpg" alt="gallery-photo"/><img src="https://cdn.azerforum.com/2023/06/05/12458936.jpg" alt="gallery-photo"/><img src="https://cdn.azerforum.com/2023/06/05/12458937.jpg" alt="gallery-photo"/><img src="https://cdn.azerforum.com/2023/06/05/12458938.jpg" alt="gallery-photo"/><img src="https://cdn.azerforum.com/2023/06/05/12458941.jpg" alt="gallery-photo"/><img src="https://cdn.azerforum.com/2023/06/05/12458944.jpg" alt="gallery-photo"/><img src="https://cdn.azerforum.com/2023/06/05/12458945.jpg" alt="gallery-photo"/><img src="https://cdn.azerforum.com/2023/06/05/12458946.jpg" alt="gallery-photo"/><img src="https://cdn.azerforum.com/2023/06/05/12458947.jpg" alt="gallery-photo"/> </div> <div class="link-to_block"><a class="full-size" href="/az/articles/view/60125/images">Böyük ölçüdə şəkillər</a></div>
<p>İyunun 3-də Türkiyə Respublikasının Prezidenti Rəcəb Tayyib Ərdoğanın adından mərasim iştirakçılarının şərəfinə şam yeməyi verilib.</p><p>Azərbaycan Respublikasının Prezidenti İlham Əliyev və birinci xanım Mehriban Əliyeva tədbirdə iştirak ediblər.</p>
<p>İyunun 3-də Ankarada Türkiyə Respublikasının Prezidenti Rəcəb Tayyib Ərdoğanın səlahiyyətlərinin icrasına başlama mərasimi keçirilir.</p><p>Azərbaycan Respublikasının Prezidenti İlham Əliyev və birinci xanım Mehriban Əliyeva mərasimdə iştirak edirlər.</p>
<p>Azərbaycan Respublikasının Prezidenti İlham Əliyev Türkiyə Respublikasının Prezidenti Rəcəb Tayyib Ərdoğanın inauqurasiya mərasimində iştirak etmək üçün iyunun 3-də Ankaraya işgüzar səfərə gəlib.</p><p>Ankara şəhərinin Esenboğa Hava Limanında dövlətimizin başçısını və birinci xanım Mehriban Əliyevanı rəsmi şəxslər qarşılayıblar.</p>
<p>Azərbaycan Respublikasının Prezidenti İlham Əliyev iyunun 3-də Beynəlxalq Olimpiya Komitəsinin Prezidenti Tomas Baxı qəbul edib.</p>
<p>Azərbaycan Respublikasının Prezidenti İlham Əliyevin Moldova Respublikasına səfəri iyunun 1-də başa çatıb.</p>
<p>İyunun 1-də Moldovanın paytaxtı Kişineuda Azərbaycan Respublikasının Prezidenti İlham Əliyevin Ukrayna Prezidenti Volodimir Zelenski ilə görüşü olub.</p>
<p>İyunun 1-də Kişineuda Azərbaycan Respublikasının Prezidenti İlham Əliyev, Ermənistan Respublikasının baş naziri Nikol Paşinyan, Avropa İttifaqı Şurasının Prezidenti Şarl Mişel, Almaniya Federativ Respublikasının Kansleri Olaf Şolts və Fransa Respublikasının Prezidenti Emmanuel Makron arasında qeyri-rəsmi görüş başlayıb.</p><p> </p>
<p>İyunun 1-də Kişineuda “Avropa siyasi birliyi”nin 2-ci Zirvə toplantısı çərçivəsində işçi lanç olub.</p><p>Azərbaycan Respublikasının Prezidenti İlham Əliyev tədbirdə iştirak edib.</p>
<p>İyunun 1-də Moldovanın paytaxtı Kişineuda “Avropa siyasi birliyi”nin 2-ci Zirvə toplantısı çərçivəsində enerji təhlükəsizliyi məsələsinə həsr edilmiş dəyirmi masa keçirilib.</p><p>Azərbaycan Respublikasının Prezidenti İlham Əliyev tədbirdə iştirak edib.</p>
<p>İyunun 1-də Moldovanın paytaxtı Kişineuda “Avropa siyasi birliyi” 2-ci Zirvə toplantısının açılış mərasimi keçirilir.</p><p>AZƏRTAC xəbər verir ki, Azərbaycan Respublikasının Prezidenti İlham Əliyev tədbirdə iştirak edir.</p><p>Moldova Respublikasının Prezidenti Maya Sandu Azərbaycan Prezidenti İlham Əliyevi, Zirvə toplantısında iştirak edən digər dövlət və hökumət başçılarını qarşıladı.</p><p style="text-align:center;">X X X</p><p>Builki Zirvə toplantısında ümumilikdə 47 ölkədən dövlət və hökumət başçıları iştirak edirlər.</p><p>Qeyd edək ki, “Avropa siyasi birliyi” qitənin ölkələri arasında siyasi əlaqələndirmə platformasıdır. Birliyin məqsədi ümumi maraq doğuran məsələlərin həlli üçün siyasi dialoqu və əməkdaşlığı inkişaf etdirmək, Avropa qitəsinin təhlükəsizliyini, sabitliyini və rifahını gücləndirməkdir.</p><p>Xatırladaq ki, “Avropa siyasi birliyi”nin birinci Zirvə toplantısı ötən ilin oktyabrında Çex Respublikasının paytaxtı Praqada keçirilib.</p>
<p>Mayın 31-də Azərbaycan Respublikasının Prezidenti İlham Əliyev Kişineuda Moldova Respublikasının Baş naziri Dorin Reçan ilə görüşüb.</p><p>Azərbaycan Prezidenti ilə görüşdən məmnunluğunu bildirən Moldovanın Baş naziri dövlətimizin başçısının “Avropa siyasi birliyi” nin Zirvə Toplantısında iştirakına görə minnətdarlığını ifadə etdi. Dorin Reçan Müstəqillik Günü və Ulu Öndər Heydər Əliyevin anadan olmasının 100 illiyi münasibətilə Azərbaycan Prezidentini təbrik etdi. O, Ümummilli Liderin nümunəvi şəxsiyyət olduğunu vurğuladı.</p><p>Prezident İlham Əliyev “Avropa siyasi birliyi” nin Zirvə Toplantısının Moldovada keçirilməsi münasibətilə təbriklərini çatdırdı.</p><p>Baş nazir Azərbaycanın Moldovaya göstərdiyi dəstəyə görə təşəkkürünü ifadə etdi.</p><p>Söhbət zamanı ölkələrimiz arasında münasibətlərin yüksək səviyyədə olduğu qeyd edildi, Azərbaycan ilə Moldova arasında iqtisadi-ticari əlaqələrin daha da inkişaf etdirilməsi üçün geniş imkanların olduğu bildirildi. Hazırkı ticarət dövriyyəsinin qənaətbəxş olmadığı qeyd edildi. Ticarət dövriyyəsinin şaxələndirilməsinin vacibliyi diqqətə çatdırıldı. Bu xüsusda hökumətlərarası komissiyanın fəaliyyətinin daha da intensivləşdirilməsinin əhəmiyyəti vurğulandı.</p><p>Söhbət zamanı Azərbaycan ilə Moldova arasında kənd təsərrüfatı, elektroenergetika, sərmayələr, infrastruktur layihələri ilə bağlı və qarşılıqlı maraq doğuran digər sahələrdə əməkdaşlıq üçün geniş imkanların olduğu qeyd edildi. Moldovanın üzümçülük və şərabçılıq sahəsində geniş təcrübəsinin, Azərbaycanın da bu sahədə zəngin ənənələrinin olduğu vurğulandı. Bu istiqamətdə əməkdaşlığın genişləndirilməsi üçün imkanların mövcud olduğu bildirildi.</p><p>Dövlətimizin başçısı Moldovanın Baş nazirini Azərbaycana səfərə dəvət etdi.</p><p>Dəvət məmnunluqla qəbul olundu.</p> <div class="article-carousel" fotorama" data-autoplay="true" data-ratio="660/430" data-width="100%"> <img src="https://cdn.azerforum.com/2023/05/31/12387658.jpg" alt="gallery-photo"/><img src="https://cdn.azerforum.com/2023/05/31/12387659.jpg" alt="gallery-photo"/><img src="https://cdn.azerforum.com/2023/05/31/12387660.jpg" alt="gallery-photo"/> </div> <div class="link-to_block"><a class="full-size" href="/az/articles/view/60099/images">Böyük ölçüdə şəkillər</a></div>
<p>Mayın 31-də Kişineuda Azərbaycan Respublikasının Prezidenti İlham Əliyevin Moldova Respublikasının Prezidenti Maya Sandu ilə görüşü olub.</p><p>Əvvəlcə birgə foto çəkdirildi.</p> <div class="article-carousel" fotorama" data-autoplay="true" data-ratio="660/430" data-width="100%"> <img src="https://cdn.azerforum.com/2023/05/31/12386454.jpg" alt="gallery-photo"/><img src="https://cdn.azerforum.com/2023/05/31/12386455.jpg" alt="gallery-photo"/><img src="https://cdn.azerforum.com/2023/05/31/12386456.jpg" alt="gallery-photo"/><img src="https://cdn.azerforum.com/2023/05/31/12386457.jpg" alt="gallery-photo"/><img src="https://cdn.azerforum.com/2023/05/31/12386458.jpg" alt="gallery-photo"/> </div> <div class="link-to_block"><a class="full-size" href="/az/articles/view/60098/images">Böyük ölçüdə şəkillər</a></div>
<p>Azərbaycan Respublikasının Prezidenti İlham Əliyev “Avropa siyasi birliyi” 2-ci Zirvə Toplantısında iştirak etmək üçün mayın 31-də Moldova Respublikasına səfərə gəlib.</p><p>Kişineu şəhərinin beynəlxalq aeroportunda dövlətimizin başçısını rəsmi şəxslər qarşılayıblar.</p>
<p>Azərbaycan Respublikasının Prezidenti İlham Əliyev mayın 31-də ABŞ Dövlət katibinin enerji ehtiyatları üzrə köməkçisi Cefri Pyattı qəbul edib.</p><p>Cefri Pyatt Bakıda Enerji Həftəsinin əhəmiyyətini qeyd etdi. Qonaq Avropanın Enerji təhlükəsizliyinin təmin olunmasında Azərbaycanın liderlik rolunu yüksək qiymətləndirdi.</p><p>Prezident İlham Əliyev Cefri Pyattın bu tədbirdə iştirakının önəminə toxunaraq, ABŞ hökumətinin Azərbaycanın enerji sahəsində irəli sürdüyü təşəbbüsləri daim dəstəklədiyinə görə minnətdarlığını bildirdi. Dövlətimizin başçısı ölkəmizin uzun illər ABŞ ilə enerji sahəsində fəal sürətdə əməkdaşlıq həyata keçirdiyini və genişmiqyaslı birgə layihələri uğurla reallaşdırdığını qeyd etdi. Azərbaycan Prezidenti bu xüsusda ABŞ hökumətinin TAP layihəsinə verdiyi dəstəyi vurğuladı.</p><p>Görüşdə Azərbaycanın bölgənin enerji təhlükəsizliyinə verdiyi töhfə, ölkəmizdə bərpaolunan enerji sektorunun inkişafı istiqamətində sürətlə həyata keçirilən layihələr barədə fikir mübadiləsi aparıldı.</p><p>Söhbət zamanı Azərbaycanın enerji təchizatında sabitləşdirici rol oynadığı xüsusi vurğulandı, ölkəmizin Orta Dəhliz çərçivəsində enerji və qeyri-enerji məhsulları üçün dayanıqlı tranzit və nəqliyyat imkanlarının yaradılması məsələsinə toxunuldu.</p>
<p>Azərbaycan Respublikasının Prezidenti İlham Əliyev mayın 31-də Bakı Ekspo Mərkəzində Bakı Enerji Həftəsi çərçivəsində 28-ci Beynəlxalq Xəzər Neft və Qaz - “Caspian Oil&Gas” və 11-ci Xəzər Beynəlxalq Energetika və Yaşıl Enerji - “Caspian Power” sərgilərinin açılışında iştirak edir.</p><p>Dövlətimizin başçısı tədbirdə çıxış edir.</p>
<p>Mayın 30-da Azərbaycan Respublikasının Prezidenti İlham Əliyevin və birinci xanım Mehriban Əliyevanın adından İsrail Dövlətinin Prezidenti İsxak Hersoq və birinci xanım Mixal Hersoqun şərəfinə rəsmi lanç verilib.</p>
<p>Mayın 30-da Azərbaycan Respublikasının Prezidenti İlham Əliyev və İsrail Dövlətinin Prezidenti İsxak Hersoq mətbuata bəyanatlarla çıxış ediblər.</p><p> </p>
<p>Mayın 30-da Azərbaycan Respublikasının Prezidenti İlham Əliyevin və İsrail Dövlətinin Prezidenti İsxak Hersoqun iştirakı ilə “Azərbaycan Respublikasının Səhiyyə Nazirliyi ilə İsrail Dövlətinin Səhiyyə Nazirliyi arasında səhiyyə və tibb elmi sahələrində 2023-2028-ci illər üçün Əməkdaşlıq Planı” imzalanıb.</p><p>Sənədi Azərbaycan Respublikasının səhiyyə naziri Teymur Musayev və İsrail Dövlətinin daxili işlər və səhiyyə naziri Moşe Arbel imzaladılar.</p>