<p>Yanvarın 28-də İran İslam Respublikasının Prezidenti Seyid İbrahim Rəisi Azərbaycan Respublikasının Prezidenti İlham Əliyevə zəng edib.</p><p>Telefon danışığı əsnasında Prezident Seyid İbrahim Rəisi Azərbaycan Respublikasının Tehrandakı səfirliyinin mühafizə xidmətinin rəhbəri Orxan Əsgərovun həlak olması ilə bağlı Prezident İlham Əliyevə və mərhumun ailəsinə başsağlığını ifadə edib və yaralananların tezliklə şəfa tapmasını arzulayıb.</p><p>Prezident İlham Əliyev Azərbaycan Respublikasının Tehrandakı səfirliyinə qarşı törədilmiş terror aktını şiddətlə qınadığını bildirib, bu qanlı terror aktının hərtərəfli araşdırılacağına və cinayətkarların layiqli cəzalarını alacaqlarına ümidvar olduğunu qeyd edib. Həmçinin Prezident İlham Əliyev istintaqın şəffaf şəkildə aparılmasının vacibliyini vurğulayıb.</p><p>Dövlətimizin başçısı səfirliyin digər mühafizə əməkdaşının əliyalın şəkildə terrorçunun üzərinə atıldığını, qorxmaz və çevik hərəkətləri ilə onu tərk-silah etdiyini bildirib.</p><p>Prezident İlham Əliyev terrorçu tərk-silah olunmasaydı, səfirliyin digər əməkdaşlarını və onların səfirlik binasının mənzillər bölməsində yaşayan ailə üzvlərini də hədəfə alacağının istisna edilmədiyini deyib.</p><p>Dövlətimizin başçısı diplomatik nümayəndəliklərin təhlükəsizliyinin təmin olunmasının vacibliyini vurğulayıb.</p>
<p>Yanvarın 28-də Azərbaycan Respublikasının Prezidenti İlham Əliyevin adından Misir Ərəb Respublikasının Prezidenti Əbdülfəttah Əs-Sisinin şərəfinə nahar verilib.</p>
<p>Yanvarın 28-də sənədlərin imzalanması mərasimi başa çatdıqdan sonra Azərbaycan Respublikasının Prezidenti İlham Əliyev və Misir Ərəb Respublikasının Prezidenti Əbdülfəttah Əs-Sisi mətbuata bəyanatlarla çıxış ediblər.</p> <div class="article-carousel" fotorama" data-autoplay="true" data-ratio="660/430" data-width="100%"> <img src="https://cdn.azerforum.com/2023/01/28/10388708.jpg" alt="gallery-photo"/><img src="https://cdn.azerforum.com/2023/01/28/10388709.jpg" alt="gallery-photo"/><img src="https://cdn.azerforum.com/2023/01/28/10388710.jpg" alt="gallery-photo"/><img src="https://cdn.azerforum.com/2023/01/28/10388711.jpg" alt="gallery-photo"/><img src="https://cdn.azerforum.com/2023/01/28/10388712.jpg" alt="gallery-photo"/><img src="https://cdn.azerforum.com/2023/01/28/10388713.jpg" alt="gallery-photo"/><img src="https://cdn.azerforum.com/2023/01/28/10388714.jpg" alt="gallery-photo"/><img src="https://cdn.azerforum.com/2023/01/28/10388715.jpg" alt="gallery-photo"/> </div> <div class="link-to_block"><a class="full-size" href="/az/articles/view/58741/images">Böyük ölçüdə şəkillər</a></div>
<p>Yanvarın 28-də Azərbaycan Respublikasının Prezidenti İlham Əliyevin Misir Ərəb Respublikasının Prezidenti Əbdülfəttah Əs-Sisi ilə geniş tərkibdə görüşü başa çatdıqdan sonra sənədlərin imzalanması mərasimi olub.</p><p>“Azərbaycan Respublikasının Ekologiya və Təbii Sərvətlər Nazirliyi ilə Misir Ərəb Respublikasının Su Ehtiyatları və Suvarma Nazirliyi arasında su ehtiyatlarının idarə edilməsi sahəsində əməkdaşlıq haqqında Anlaşma Memorandumu”nu Azərbaycanın xarici işlər naziri Ceyhun Bayramov və Misirin xarici işlər naziri Sameh Həssən Şukri imzaladılar.</p><p>“Azərbaycan Respublikasının Mədəniyyət Nazirliyi ilə Misir Ərəb Respublikasının Mədəniyyət Nazirliyi arasında mədəniyyət sahəsində əməkdaşlıq haqqında Anlaşma Memorandumu”nu Azərbaycanın xarici işlər naziri Ceyhun Bayramov və Misirin xarici işlər naziri Sameh Həssən Şukri imzaladılar.</p><p>“Azərbaycan Respublikasının İqtisadiyyat Nazirliyi ilə Misir Ərəb Respublikasının Ticarət və Sənaye Nazirliyi arasında əməkdaşlıq haqqında Anlaşma Memorandumu”nu Azərbaycanın iqtisadiyyat naziri Mikayıl Cabbarov və Misirin planlaşdırma və iqtisadi inkişaf naziri xanım Hala Helmi Elsaid imzaladılar.</p>
<p>Yanvarın 28-də Azərbaycan Respublikasının Prezidenti İlham Əliyevin və Misir Ərəb Respublikasının Prezidenti Əbdülfəttah Əs-Sisinin geniş tərkibdə görüşü olub.</p>
<p>Yanvarın 28-də rəsmi qarşılanma mərasimindən sonra Azərbaycan Respublikasının Prezidenti İlham Əliyevin Misir Ərəb Respublikasının Prezidenti Əbdülfəttah Əs-Sisi ilə təkbətək görüşü olub.</p> <div class="article-carousel" fotorama" data-autoplay="true" data-ratio="660/430" data-width="100%"> <img src="https://cdn.azerforum.com/2023/01/28/10387246.jpg" alt="gallery-photo"/><img src="https://cdn.azerforum.com/2023/01/28/10387247.jpg" alt="gallery-photo"/> </div> <div class="link-to_block"><a class="full-size" href="/az/articles/view/58738/images">Böyük ölçüdə şəkillər</a></div>
<p>Azərbaycan Respublikasına səfərə gələn Misir Ərəb Respublikasının Prezidenti Əbdülfəttah Əs-Sisinin yanvarın 28-də rəsmi qarşılanma mərasimi olub.</p><p>Hər iki ölkənin Dövlət bayraqlarının dalğalandığı meydanda Misir Prezidentinin şərəfinə fəxri qarovul dəstəsi düzülmüşdü.</p><p>Azərbaycan Respublikasının Prezidenti İlham Əliyev Misir Ərəb Respublikasının Prezidenti Əbdülfəttah Əs-Sisini qarşıladı.</p><p>Fəxri qarovul dəstəsinin rəisi Misir Prezidentinə raport verdi.</p><p>Prezident Əbdülfəttah Əs-Sisi Azərbaycan əsgərlərini salamladı.</p><p>Prezident İlham Əliyev və Prezident Əbdülfəttah Əs-Sisi fəxri qarovul dəstəsinin qarşısından keçdilər.</p><p>Misir Ərəb Respublikasının və Azərbaycan Respublikasının Dövlət himnləri səsləndirildi.</p><p>Azərbaycan nümayəndə heyəti Misir Prezidentinə, Misir nümayəndə heyəti isə Azərbaycan Prezidentinə təqdim olundu.</p><p>Fəxri qarovul dəstəsi hərbi marşın sədaları altında Azərbaycan Prezidenti İlham Əliyevin və Misir Prezidenti Əbdülfəttah Əs-Sisinin qarşısından keçdi.</p><p>Dövlət başçıları rəsmi foto çəkdirdilər.</p> <div class="article-carousel" fotorama" data-autoplay="true" data-ratio="660/430" data-width="100%"> <img src="https://cdn.azerforum.com/2023/01/28/10386513.jpg" alt="gallery-photo"/><img src="https://cdn.azerforum.com/2023/01/28/10386514.jpg" alt="gallery-photo"/><img src="https://cdn.azerforum.com/2023/01/28/10386515.jpg" alt="gallery-photo"/><img src="https://cdn.azerforum.com/2023/01/28/10386516.jpg" alt="gallery-photo"/><img src="https://cdn.azerforum.com/2023/01/28/10386517.jpg" alt="gallery-photo"/><img src="https://cdn.azerforum.com/2023/01/28/10386518.jpg" alt="gallery-photo"/><img src="https://cdn.azerforum.com/2023/01/28/10386519.jpg" alt="gallery-photo"/><img src="https://cdn.azerforum.com/2023/01/28/10386520.jpg" alt="gallery-photo"/><img src="https://cdn.azerforum.com/2023/01/28/10386521.jpg" alt="gallery-photo"/><img src="https://cdn.azerforum.com/2023/01/28/10386522.jpg" alt="gallery-photo"/><img src="https://cdn.azerforum.com/2023/01/28/10386523.jpg" alt="gallery-photo"/><img src="https://cdn.azerforum.com/2023/01/28/10386524.jpg" alt="gallery-photo"/> </div> <div class="link-to_block"><a class="full-size" href="/az/articles/view/58732/images">Böyük ölçüdə şəkillər</a></div>
<p>Azərbaycan Respublikasının Prezidenti İlham Əliyev yanvarın 27-də dünyanın aparıcı maliyyə şirkətlərindən biri olan “Brookfield Asset Management” şirkətinin baş icraçı direktoru Brüs Flətti qəbul edib.</p><p>Ölkəmizin əldə etdiyi nailiyyətlərin böyük maraq doğurduğunu vurğulayan Brüs Flətt Bakıda gördükləri inkişaf proseslərinin dərin təəssürat hissi yaratdığını dedi. Qonaq “Brookfield Asset Management” şirkətinin Azərbaycan Respublikası Dövlət Neft Fondu ilə uğurlu əməkdaşlığının genişləndiyini vurğuladı və bildirdi ki, rəhbərlik etdiyi şirkət peşəkar səviyyədə fəaliyyət göstərən ARDNF ilə əlaqələrindən qürur duyur. O, həmçinin Azərbaycanın əldə etdiyi uğurların ölkəmizin böyük nailiyyəti olduğunu vurğulayaraq təbriklərini çatdırdı.</p><p>Prezident İlham Əliyev Azərbaycan Dövlət Neft Fondunun dünyanın aparıcı maliyyə institutlarından biri olan “Brookfield Asset Management” şirkəti ilə uğurlu əməkdaşlığından məmnunluğunu bildirərək əlaqələrin genişləndirilməsi üçün yaxşı potensialın mövcud olduğunu dedi. Azərbaycan Dövlət Neft Fondunun fəaliyyətinin daim genişləndiyini vurğulayan dövlətimizin başçısı Fondun aktivlərinin hətta ən çətin dövrlərdə, o cümlədən pandemiya, maliyyə böhranları və neftin qiymətinin düşdüyü bir zamanda da artdığını qeyd etdi.</p><p>Görüşdə, həmçinin Azərbaycanın yaşıl enerji potensialı və ölkəmizin regionda enerji habına çevrilməsi imkanları barədə fikir mübadiləsi aparıldı.</p><p>Qeyd edək ki, dünyanın ən böyük investisiya şirkətlərindən biri olan və əsas ofisi Kanadada yerləşən “Brookfield Asset Management” 1899-cu ildə təsis olunub və idarə etdiyi vəsaitlərin toplam dəyəri 750 milyard ABŞ dolları təşkil edir.</p> <div class="article-carousel" fotorama" data-autoplay="true" data-ratio="660/430" data-width="100%"> <img src="https://cdn.azerforum.com/2023/01/27/10370769.jpg" alt="gallery-photo"/> </div> <div class="link-to_block"><a class="full-size" href="/az/articles/view/58727/images">Böyük ölçüdə şəkillər</a></div>
<p>Azərbaycan Respublikasının Prezidenti İlham Əliyev yanvarın 26-da Meksika Birləşmiş Ştatlarının ölkəmizdə yeni təyin olunmuş fövqəladə və səlahiyyətli səfiri xanım Mariya Viktoriya Romero Kabalyeronun etimadnaməsini qəbul edib.</p>
<p>Azərbaycan Respublikasının Prezidenti İlham Əliyev yanvarın 26-da Yunanıstan Respublikasının ölkəmizdə yeni təyin olunmuş fövqəladə və səlahiyyətli səfiri Xristos Kapodistriasın etimadnaməsini qəbul edib.</p> <div class="article-carousel" fotorama" data-autoplay="true" data-ratio="660/430" data-width="100%"> <img src="https://cdn.azerforum.com/2023/01/26/10353956.jpg" alt="gallery-photo"/><img src="https://cdn.azerforum.com/2023/01/26/10353957.jpg" alt="gallery-photo"/><img src="https://cdn.azerforum.com/2023/01/26/10353958.jpg" alt="gallery-photo"/><img src="https://cdn.azerforum.com/2023/01/26/10353959.jpg" alt="gallery-photo"/><img src="https://cdn.azerforum.com/2023/01/26/10353960.jpg" alt="gallery-photo"/> </div> <div class="link-to_block"><a class="full-size" href="/az/articles/view/58710/images">Böyük ölçüdə şəkillər</a></div>
<p>Azərbaycan Respublikasının Prezidenti İlham Əliyev yanvarın 26-da Fransa Respublikasının ölkəmizdə yeni təyin olunmuş fövqəladə və səlahiyyətli səfiri xanım Ann Buayonun etimadnaməsini qəbul edib.</p> <div class="article-carousel" fotorama" data-autoplay="true" data-ratio="660/430" data-width="100%"> <img src="https://cdn.azerforum.com/2023/01/26/10353852.jpg" alt="gallery-photo"/><img src="https://cdn.azerforum.com/2023/01/26/10353853.jpg" alt="gallery-photo"/><img src="https://cdn.azerforum.com/2023/01/26/10353854.jpg" alt="gallery-photo"/><img src="https://cdn.azerforum.com/2023/01/26/10353855.jpg" alt="gallery-photo"/><img src="https://cdn.azerforum.com/2023/01/26/10353856.jpg" alt="gallery-photo"/> </div> <div class="link-to_block"><a class="full-size" href="/az/articles/view/58709/images">Böyük ölçüdə şəkillər</a></div>
<p>Qanlı 20 Yanvar faciəsindən 33 il keçir. Sovet imperiyasının Bakıda törətdiyi qanlı qırğının 33-cü ildönümü ilə əlaqədar Azərbaycan Respublikasının Prezidenti İlham Əliyev Şəhidlər xiyabanını ziyarət edib.</p><p>Dövlətimizin başçısı ölkəmizin azadlığı uğrunda həlak olanların xatirəsini yad etdi.</p><p>Prezident İlham Əliyev “Əbədi məşəl” abidəsinin önünə əklil qoydu.</p><p>Azərbaycan Respublikasının Dövlət Himni səsləndirildi.</p>
<p>Yanvarın 19-da Azərbaycan Respublikasının Prezidenti İlham Əliyevin Davosda Niderland Krallığının Baş naziri Mark Rutte ilə görüşü olub.</p>
<p>Yanvarın 19-da Azərbaycan Respublikasının Prezidenti İlham Əliyevin Davosda Xorvatiya Respublikasının Baş naziri Andrey Plenkoviç ilə görüşü olub.</p><p>Prezident İlham Əliyev Xorvatiya Baş nazirini Azərbaycana səfərə dəvət etdi.</p><p>Dəvət minnətdarlıqla qəbul olundu.</p><p>Söhbət zamanı minaların təmizlənməsi sahəsində əməkdaşlıq məsələləri müzakirə edildi. Xorvatiyanın da minalardan əziyyət çəkən ölkə kimi minatəmizləmə sahəsində təcrübəyə malik olduğu bildirildi.</p><p>Dövlətimizin başçısı otuz illik işğal dövründə Ermənistanın Azərbaycan ərazilərində çoxlu sayda mina basdırdığı və 2020-ci il noyabrın 10-dan - hərbi əməliyyatların başa çatmasından bu günəddək 300-ə yaxın Azərbaycan vətəndaşının mina hadisələri nəticəsində həlak olduğu və ya yaralandığı qeyd edildi. Hazırda Azərbaycan Respublikasının Minatəmizləmə Agentliyinin xətti ilə genişmiqyaslı minatəmizləmə əməliyyatlarının həyata keçirildiyi bildirildi. Xorvatiya ilə bu sahədə əməkdaşlığın mövcud olduğu, həmçinin Xorvatiya şirkətlərindən bununla bağlı müxtəlif avadanlıqların alındığı vurğulandı. Minatəmizləmə sahəsində əməkdaşlığın daha da genişləndirilməsinin vacibliyi qeyd edildi.</p><p>Söhbət zamanı enerji sahəsində əməkdaşlıq məsələləri də müzakirə olundu. Azərbaycanın Avropa İttifaqı ilə enerji sahəsindəki strateji tərəfdaşlığı vurğulandı. Hazırda ölkəmizin Avropanın enerji bazarına əlavə qaz həcmləri çıxarması istiqamətində fəaliyyətini davam etdirdiyi bildirildi.</p><p>Görüşdə qarşılıqlı maraq doğuran digər məsələlər ətrafında fikir mübadiləsi aparıldı.</p>
<p>Azərbaycan Respublikasının Prezidenti İlham Əliyev yanvarın 19-da Davos Dünya İqtisadi Forumu çərçivəsində keçirilən “Avrasiya Orta Dəhlizi: Yoldan magistrala” mövzusunda panel iclasında iştirak edib.</p><p>Dövlətimizin başçısı panel iclasının moderatorunun suallarını cavablandırıb.</p>
<p>Azərbaycan Respublikasının Prezidenti İlham Əliyev yanvarın 19-da Davosda Avropa İttifaqının (Aİ) büdcə və administrasiya üzrə komissarı Yohannes Han ilə görüşüb.</p>
<p>Yanvarın 19-da Azərbaycan Respublikasının Prezidenti İlham Əliyevin Davosda Dünya İqtisadi Forumunun sədri Klaus Şvab ilə görüşü olub.</p>
<p>Yanvarın 19-da Azərbaycan Respublikasının Prezidenti İlham Əliyevin Davosda Monteneqronun Baş naziri Dritan Abazoviç ilə görüşü olub.</p><p>Görüşdə Azərbaycan ilə Monteneqro arasında dostluq münasibətlərinin olduğu qeyd edildi. Ölkələrimiz arasında turizm, investisiyalar və enerji sahələrində əməkdaşlıq məsələlərinə dair fikir mübadiləsi aparıldı.</p><p>Dövlətimizin başçısı Cənubi Qafqaz regionundakı vəziyyət barədə məlumat verdi, Ermənistanın müxtəlif yalan məlumatlar əsasında bir sıra beynəlxalq təsisatlarda Azərbaycana qarşı təbliğat apardığını qeyd etdi. Prezident İlham Əliyev, həmçinin Azərbaycan ərazisində Laçın-Xankəndi yolundakı vəziyyət barədə də Monteneqro Baş nazirinə məlumat verdi.</p><p>Dritan Abazoviç qeyd etdi ki, Monteneqro hər zaman Azərbaycanı dost ölkə hesab edir. Baş nazir Monteneqronun Azərbaycan ilə bütün sahələrdə əməkdaşlığın inkişafında maraqlı olduğunu bildirdi.</p>
<p>Azərbaycan Respublikasının Prezidenti İlham Əliyev yanvarın 19-da Davosda "Adani Group" şirkətinin təsisçisi və sədri Qautam Adani ilə görüşüb.</p> <div class="article-carousel" fotorama" data-autoplay="true" data-ratio="660/430" data-width="100%"> <img src="https://cdn.azerforum.com/2023/01/19/10238253.jpg" alt="gallery-photo"/><img src="https://cdn.azerforum.com/2023/01/19/10238254.jpg" alt="gallery-photo"/> </div> <div class="link-to_block"><a class="full-size" href="/az/articles/view/58658/images">Böyük ölçüdə şəkillər</a></div>
<p>Yanvarın 19-da Azərbaycan Respublikasının Prezidenti İlham Əliyevin Davosda Avropa Yenidənqurma və İnkişaf Bankının (AYİB) birinci vitse-prezidenti Yurgen Riqterink ilə görüşü olub.</p>
<p>Yanvarın 18-də Davosda Azərbaycan Respublikasının Prezidenti İlham Əliyevin Latviya Respublikasının Prezidenti Egils Levits ilə görüşü olub.</p> <div class="article-carousel" fotorama" data-autoplay="true" data-ratio="660/430" data-width="100%"> <img src="https://cdn.azerforum.com/2023/01/18/10228497.jpg" alt="gallery-photo"/><img src="https://cdn.azerforum.com/2023/01/18/10228498.jpg" alt="gallery-photo"/><img src="https://cdn.azerforum.com/2023/01/18/10228499.jpg" alt="gallery-photo"/><img src="https://cdn.azerforum.com/2023/01/18/10228500.jpg" alt="gallery-photo"/> </div> <div class="link-to_block"><a class="full-size" href="/az/articles/view/58655/images">Böyük ölçüdə şəkillər</a></div>